مكان سئ و اداره فاشله نصابين و بلطجيه
كطلبه زي اي طلاب في كلية الطب البيطري جامعة القاهره وبعد خمس سنين كنا نتمنى اننا نقضي يوم كويس ويبقى لينا ذكريات مع بعض ويكون حسن الختام بس العكس حصلنا وقلب يوم نكد علينا للأسف
المكان كان في بيوت باي - ByootBay وصلنا الساعه ١١ وإذ نتفاجأ ان نفس المكان بتاع الفان داي بتاعنا موجود في داي يوز لعمال Carefour اول نص ساعه تقريبا خمس حالات تحرش لفظي ومعاكسات للبنات اللي معانا جوا المكان ( يعني سيادتك عارف ان فان داي عندك اليوم ده قبلها بفتره كافيه مقدرتش تظبط مواعيدك ليه؟) وعلى عكس كل الاتفاق اللي اتفقت معانا قبل ما ندفع الفلوس واخليت بكل حاجه كنت بتتفق عليها طالما مش قدها بتتفق ليه طيب؟ ثانيا تعامل زي الزفت من إدارة المكان واللي شغالين في الأمن حرفيا اقل ما يقال عنهم انهم شوية بلطجيه
سكتونا بكلمتين هنمشي الناس دول خلاص وحقكم وهعملكم كمان خصم على اليوم وكملو يومكم خلاص هتبقو لوحدكم محدش معاكم ( بس معلش ابقو امسحو الفيديوهات دي) اليوم بدأنا في الساعه ٢ بالظبط قولنا خلاص ربنا كرم اهو واليوم هيعدي وهنفرح بقى وبالفعل الدي جي اشتغل واتصورنا على الاستيدج ومفيش اي مشاكل
إذ نفاجأ بعد كده ان اداره المكان خلال الساعه دي بس بعتوهم يتغدو ويرجعو تاني عشان نكون بدأنا يومنا ويلبسونا في تمن اليوم كله ورجعو العمال تاني ويصورو فينا!!
بعد كده نتكلم مع الاداره بقى عايزيين فلوسنا عشان نمشي اليوم تكلفته كانت ٤٠ الف كنا دافعين ٣٣ الف ولسه باقي علينا ٧ آلاف يقولولنا تمام خلاص خدو من ٣٣ الف ١٠ آلاف ومش هندفع لكم اكتر من كده واللي عندكم ابقو اعملو وطريقه استفزازي وشغل نصب وبلطجه علني
اتصلنا بالشرطه ساعتها وقدمنا فيهم بلاغ بالواقعه وبعد ما دخلنا الاداره واستموتنا جوا وعرفو ان احنا مش هنسيب حقنا تحت أي ظرف من الظروف خدنا فلوسنا منهم
للأسف بهدله من الصبح والجو حر واليوم اليتيم ضيعتو علينا وبلطجه ونصب وقله ادب غير بهدلة البنات معانا وقعدتهم في الشارع كل ده غير بهدله الحوامل اللي كانو معانا غير بهدله الناس اللي كانت جايبه أطفالها معاها
مكان سئ وحسبي الله ونعم الوكيل فيكم على اليوم الزفت اللي شوفناه عندكم ده
#بيوت_باي_بلطجيه
#بيوت_باي_نصابين
#byootbay_بلطجيه
بيوت باي - ByootBay
أستمتع بأحلي داي يوز في عمرك وفقط *٢٥٠ج للفرد والأطفال ١٢٥ج من سن ٦-١٢ ومجانا تحت ٦ سنوات. شامل الفطار والغدا وغناء ورقص ودي چي ومسابقات وحمام السباحة والألعاب المائية والمفاجآت كتيييييير .
بينت بول – ببل فوتبول – بيتش باجي
يوجد أيضاً فى نفس المنطقة
لا يمكنك كتابة تعليق الا بعد تسجيل الدخول